ЗАМЫН ХӨДӨЛГӨӨНИЙ УДИРДЛАГЫН ТӨВ, ТЭЭВРИЙН ХЭРЭГСЛИЙН ХЯНАЛТЫН УХААЛАГ СИСТЕМ БОЛОН ДААЦ ХЭМЖИЛТИЙН ТӨХӨӨРӨМЖ СУУРИЛУУЛАХ
Замын хөдөлгөөний удирдлагын төв болон тээврийн хэрэгслийн хяналтын ухаалаг системийн гол зорилго нь авто замын хөдөлгөөний аюулгүй байдлыг хангах, тээврийн хэрэгслийг хянах бөгөөд хөдөлгөөний хэвийн нөхцөлд саад учруулж буй хүчин зүйл, учирж болох зарим эрсдэлийг тооцоолж мэдээллэх үүрэгтэй. Иймээс мэдээлэл технологийн системийг ашиглах нь үр дүнтэй бөгөөд RFID төхөөрөмж бүртгэлжүүлэлтийн систем, CCTV-ын камерын хяналтын системийг нийт авто замын туршид суурилуулахаар төлөвлөсөн байна.
ТЭЭВРИЙН ХЭРЭГСЛИЙН ХЯНАЛТЫН УХААЛАГ СИСТЕМ
Хяналтын камер нь авто замаар тээвэрлэлт хийж байгаа болон зорчиж буй тээврийн хэрэгсэлд хяналт хийх бөгөөд авто зам дээр гарч буй тээврийн хэрэгслийн осол гэмтэл, зөрчлийг цаг алдалгүй удирдлагын төвд мэдээллэх үүрэгтэй.
ЗАМЫН ХӨДӨЛГӨӨНИЙ УДИРДЛАГЫН ТӨВ
Удирдлагын төв нь зам дагуу байрлах хурд хэмжих, бичлэг хийх камеруудын мэдээлэл болон даац хэмжих төхөөрөмжөөс ирэх мэдээллийг хүлээн авч тээврийн хэрэгсэлийн осол гэмтэл гарсан үед шуурхай тусламжийн нэгжид мэдээллийг яаралтай дамжуулна.
Мөн авто замаар зорчиж буй хүнд даацын тээврийн хэрэгслийн хөдөлгөөний эрчим болон жинг хянаж Төсөл Хэрэгжүүлэх Нэгжийг мэдээллээр хангах болно.
ТЭЭВРИЙН ХЭРЭГСЛИЙН ДААЦ ХЭМЖИЛТИЙН ТӨХӨӨРӨМЖ СУУРИЛУУЛАХ
Тээврийн хэрэгслийн даацын хяналтыг хийх үндсэн арга нь авто зам дээр даац хэмжигч төхөөрөмж суурилуулах явдал юм. Ухаалаг даац хэмжилтийн төхөөрөмж нь төслийн замаар зорчиж буй уул уурхайн бүтээгдэхүүн ачсан тээврийн хэрэгслийн жинг хурдан шуурхай тодорхойлон бодит тээвэрлэгдэж буй нүүрс болон уул уурхайн бүтээгдэхүүний хэмжээг үнэн бодитоор тодорхойлоход чухал үүрэгтэй.