Өмнөговь аймгийн Ханхонгор сумын “Тавантолгой-Барууннаран” чиглэлийн 32 км авто замын төгсгөлөөс “Цагаандэл уул” хилийн боомт хүртэлх авто замын техник эдийн засгийн үндэслэлийг Авто замын салбарын Шинжлэх ухаан, техникийн зөвлөлийн 2019 оны II дугаар хурлаар хэлэлцүүллээ.

Засгийн газрын хуралдаанаар Улаанбаатар-Дархан чиглэлийн замыг дөрвөн эгнээ болгон өргөтгөх барилгын ажил болон техник, технологийн хяналтын зөвлөх үйлчилгээнд шаардагдах хөрөнгийн эх үүсвэрийг цаг алдалгүй шийдвэрлэхийг сайд Ч.Хүрэлбаатарт даалгав.

Зам, тээврийн хөгжлийн яамнаас 2018 оны 12 дугаар сарын 12–ны өдөр Хүнд даацын авто зам барих Техник эдийн засгийн үндэслэл боловсруулах ажлын даалгаврыг батлан ирүүлсэн байдаг.

“Ундрах говь” ХХК нь Өмнөговь аймгийн Ханхонгор сумын Тавантолгой-Барууннаран чиглэлийн 32 км авто замын төгсгөлөөс “Цагаандэл уул” хилийн боомт хүртэлх 270 км авто замын барилга угсралтын ажил хийж гүйцэтгэх ба уг ажил явагдаж байх хооронд болон зам ашиглалтанд орсны дараа түүний дээр зорчихтой холбогдон үүсэх харилцааг зохицуулах, цаашид урт хугацаанд харилцан ашигтайгаар хамтран ажиллах зөвшилцөлд хүрснийг бататган доорх компаниудтай харилцан ойлголцлын САНАМЖ БИЧИГ байгууллаа.

Өмнөговь аймгийн Ханхонгор сумын “Тавантолгой-Барууннаран” чиглэлийн 32 км авто замын төгсгөлөөс “Цагаандэл уул” хилийн боомт хүртэлх 270 км хүнд даацын авто зам төсөл-ийг зураг төсөл боловсруулах-барих-ашиглах-шилжүүлэх төрлөөр хэрэгжүүлэх концессын гэрээ байгууллаа.

Засгийн газрын ээлжит хуралдаан 2018 оны 10 дугаар сарын 31-ний өдөр болж дараах асуудлуудыг хэлэлцэн шийдвэрлэлээ.