Цементэн барьцалдуулагч материал болон дүүргэгч материал болох дайрга, элс болон усыг тохирсон харьцаагаар зуурч хольц гарган авч түүнийг бэхжүүлснийг Цементбетон гэнэ. Цементбетон хучилт барих нь ашиглалтын хугацааг уртасгаж, бат бэх болон даац даах чадварыг нэмэгдүүлдэг бөгөөд 50-60 жил ашиглагдах боломжтой. Цементбетон хучилтын хийцэд засвар арчлалтын ажил чухал үүрэгтэй. Засвар арчлалтын ажил нь хүрээлэн байгаа байгаль орчинд сөрөг нөлөө үзүүлэхгүй экологийн тэнцвэрт байдлыг алдагдуулахгүй байхад чиглэгдэнэ. Замын засварын ажлыг аль болохоор байгалийн унаган төрхийг эвдэхгүйгээр бэлчээр, тариалангийн газрыг сүйтгэсэн олон зэрэгт замуудыг журамлах хучилтгүй замын тоосыг багасгах буюу тоос, гарц, гармуудыг зайлшгүй шаардлагатай газруудад гаргахаар төлөвлөж гүйцэтгэнэ.
ЗАМ ЗАСВАР АРЧЛАЛТ
ЗАМ ЗАСВАР АРЧЛАЛТЫН ХЭСЭГ
Цементбетон хучилттай авто замд засвар, арчлалтыг доорх төрлүүдээр хийж гүйцэтгэнэ. Үүнд:
- Арчлалтын ажил: цементбетон хучилттай авто замын хучилтад тогтсон шороо, хог, саад, цас, мөсдөлт зэргийг цэвэрлэж замын зорчих хэсэгт гарсан бага хэмжээний нүхийг замын өргөн харгалзахгүйгээр 100м замд нэг метр квадратын нормтойгоор засна.
- Урсгал засвар: цементбетон хучилттай авто замд хэсэгчилсэн өнгө боловсруулалт хийх элэлдлийн үе хийх, органик барьцалдуулагчаар бэхжүүлсэн материал нэмж засварлах.
- Их засвар: цементбетон хучилттай авто замын хучилтыг өргөсгөх замын техникийн зэрэгт тохирсон хучилтыг шинээр хийх, хучилтын суурийг солих, бэхжүүлэх.
- Онцгой ажил: цементбетон хучилт уруй болон хөрсний нуралт үүссэний улмаас зам хаагдвал яаралтай цэвэрлэж хөдөлгөөн нээх.
